სასტუმრო „კომორები“-ს კარი 2019 წლის დეკემბერში გაიხსნა. ახალი, მყუდრო და თანამედროვე სასტუმრო განთავსებულია ქალაქური ტიპის სოფელ ბაკურიანში, კოხტას მთის ფერდობზე, ბორჯომის მუნიციპალიტეტში. სასტუმრო „კომორები“ აერთიანებს საშინაო კერის მყუდროებას, კომფორტს და თანამედროვე დიზაინს ერთ სივრცეში. ყველა ნომრიდან ხედი ბაკურიანის მთებზე იშლება. ოთახები აღჭურვილია თბოიზოლაციით, ინდივიდუალური კლიმატკონტროლით, განცალკავებული ტუალეტი-სააბაზანოთი, შხაპის კაბინით, ფენით, პირსახოცით და ხალათით. კომორების ყოველ ნომერში ნახავთ ტელევიზორს სატელიტური ტელევიზიით, უფასო wifi-ს, მაცივარს, მინი ბარს და სეიფს ძვირფასი ნივთების შესანახად. სასტუმრო „კომორები“ თავის სტუმრებს სთავაზობს ხუთი ტიპის ნომერს, ორ რესტორანს, ლობის ზონას ყოველ სართულზე. ასევე თხილამურების, სნოუბორდის, თოვლმავალის და ავტომობილის  გაქირავებას. დამწყებ მოთხილამურეებს ან სნოუბორდისტებს შეუძლიათ ინსტრუქტორის მომსახურებით ისარგებლონ, რომლებიც მსურველებს პროფესიონალურ დონეზე შეასწავლიან ზამთრის სპორტის სახეობებს. თავისი ლოკაციის წყალობით, სასტუმრო „კომორები“ სტუმრებს სთავაზობს დატკბენ მთის ხედებით, ბუნების სიმშვიდით და სუფთა ჰაერით. ზამთრის სპორტის მოყვარულებისთვის მნიშვნელოვანი იქნება სამთო ტრასების სიახლოვე: სასტუმროდან 300 მეტრის დაშორებით განლაგებულია სხვადასხვა ტიპის ტრასა, როგორც დამწყებთათვის, ისე ზამთრის სპორტის პროფესიონალი მოყვარულებისთვის.